Vernacolo

Bruuuu…chi friddhu stamatina

arriva finu a marina

lu munti zuccheratu biancu

gela lu sgarddhu, turtura i denti

sbattenduli cha e dhà senza diri nenti

Na’ pecura bela scianddhu di sta nivi i farina

voli iocari ma rumbula, rumbula

finu a arrivari du muntuni Geremia

chi permalusu la rincurri

pi tuttu u pasculu di Geresia.

U pasturi stancu ripusa di la iornata di fatica

 vicinu lu focu, mentri buccheggia cercandu respiri

inta na’ bucca bagnata i suduri

na’ ciaraneddha senti sunari

E’ Peppi lu capraru chi scindi da muntagna

di sta fulata friddha di matina

cercanddhu ancora da’ memoria

lu sguardu scrittu di la storia.

A pocu a pocu u sonu sali sali  versu u cielu

profunatu di glicini e viola

E’ festa, è Natali, pungi u ventu ancora

supra a bucca gonfia e stupita

di nu frusciu di alba rusinita.

 Sona sona  Peppi gufianddhu da peddhi  di muntuni

di boni penzamenti e rigali nucciati  cu lutrini

e a stagnola da grasuteddhi mani.

Viniti, viniti tutti o genti!

cuntinua a sonari lu pecuraru

cha’ ciaraneddha gonfia di culuri

nasciu , nasciu u Ridinturi

portu a nuvella, è u iornu di’amuri.

Di sta canzuni ci sunnu

u boi u scieccareddhu

chi riscaddhunu  cu fiatu u bimbu beddhu

da paghia giaci da terra tra Peppi e Maria

chi riddhunuti  cuntenti ta stu prugigiu stiatu

da na cumeta un gloria e  un così sia.

Ballunu l’abeti innivati

e i ciprissi stanchi senza sperdiri sogni

mentri saddha n’cervu supra n’porcuspinu

tra i cristalli i nivi e nu ghiacciatu nasinu.

Tra i culuri beddhi di iorna iuti

inchi di pani la manu chi si stenddhi

e non fermarti ti li  baruni preputenti

lassa nu risu pi dumani

regalulu a chista terra senza padruni